zikr munh par bahaar jaisa hai

zikr muñh par bahār jaisā hai

piiTh pīchhe kaTār jaisā hai

sach kā dāman babūl kī sūrat

jhuuT kā fan chinār jaisā hai

ḳhud ko kab tak sañbhāl kar rakkheñ

apnā ham bhī shikār jaisā hai

phuul kāñToñ meñ bhī nikal aa.e

zehn lekin sharār jaisā hai

jis ko dekho vo pūjtā hai ise

vaqt bhī kyā mazār jaisā hai

daf.atan mujh pe aap kā ye karam

shīsha-e-dil pe baar jaisā hai

dard-o-ġham kyoñ na hoñ sharīk-e-hayāt

dil kā rishta bhī haar jaisā hai

roz dete ho phuul kā tohfa

ye bhī 'aḳhtar' udhār jaisā hai

zikr munh par bahaar jaisa hai

piTh pichhe kaTar jaisa hai

sach ka daman babul ki surat

jhuT ka fan chinar jaisa hai

KHud ko kab tak sanbhaal kar rakkhen

apna hum bhi shikar jaisa hai

phul kanTon mein bhi nikal aae

zehn lekin sharar jaisa hai

jis ko dekho wo pujta hai ise

waqt bhi kya mazar jaisa hai

dafatan mujh pe aap ka ye karam

shisha-e-dil pe bar jaisa hai

dard-o-gham kyon na hon sharik-e-hayat

dil ka rishta bhi haar jaisa hai

roz dete ho phul ka tohfa

ye bhi 'aKHtar' udhaar jaisa hai