zinda-dili nishana-e-tahqir kis liye

zinda-dilī nishāna-e-tahqīr kis liye

khiñchtī nahīñ hayāt kī tasvīr kis liye

shāḳh-e-shajar pe hotī to kuchh aur baat thī

maujoñ pe āshiyāne kī ta.amīr kis liye

kyā tū ne pairvī-e-nabī chhoḌ dī hai ab

be-faiz ho ga.ī tirī taqrīr kis liye

ahl-e-shu.ūr jo the vo pastī meñ kho ga.e

be-Dhang log pā ga.e tauqīr kis liye

tūfān kā ḳhayāl hai yā zalzale kā ḳhauf

tere laboñ pe nāla-e-shab-gīr kis liye

mash.hūr thiiñ zamāne meñ shīrīñ-bayāniyāñ

ab kho ga.ī zabān kī tāsīr kis liye

tā-sub.h tū ne ḳhvāb hī dekhā na raat ko

phir pūchhtā hai ḳhvāb kī ta.abīr kis liye

manzil hai 'dāġh' sāmne apne qadam baḌhāo

tum dekhte ho jānib-e-rah-gīr kis liye

zinda-dili nishana-e-tahqir kis liye

khinchti nahin hayat ki taswir kis liye

shaKH-e-shajar pe hoti to kuchh aur baat thi

maujon pe aashiyane ki tamir kis liye

kya tu ne pairwi-e-nabi chhoD di hai ab

be-faiz ho gai teri taqrir kis liye

ahl-e-shuur jo the wo pasti mein kho gae

be-Dhang log pa gae tauqir kis liye

tufan ka KHayal hai ya zalzale ka KHauf

tere labon pe nala-e-shab-gir kis liye

mashhur thin zamane mein shirin-bayaniyan

ab kho gai zaban ki tasir kis liye

ta-subh tu ne KHwab hi dekha na raat ko

phir puchhta hai KHwab ki tabir kis liye

manzil hai 'dagh' samne apne qadam baDhao

tum dekhte ho jaanib-e-rah-gir kis liye