zinda hain hum to aaj bhi wahm-o-guman ke bich

zinda haiñ ham to aaj bhī vahm-o-gumāñ ke biich

umr-e-ravāñ kaTī mirī sūd-o-ziyāñ ke biich

un ke to qaul-o-fe.al meñ behad tazād hai

vo jhuuT kahte phirte haiñ saare jahāñ ke biich

dil ko yaqīñ hai bhuul na pā.eñge ham ko vo

DhūñDā kareñge ham ko bhī vo raftagāñ ke biich

ham ne to saath dene kā va.ada nahīñ kiyā

mahv-e-safar rahe the faqat kārvāñ ke biich

chain-o-sukūn luuT ke ārām le gayā

aa.egā us kā zikr mirī dāstāñ ke biich

ham ne 'shagufta' duur Thikāna banā liyā

vo ham ko DhūñDtā hī rahā gulsitāñ ke biich

zinda hain hum to aaj bhi wahm-o-guman ke bich

umr-e-rawan kaTi meri sud-o-ziyan ke bich

un ke to qaul-o-feal mein behad tazad hai

wo jhuT kahte phirte hain sare jahan ke bich

dil ko yaqin hai bhul na paenge hum ko wo

DhunDa karenge hum ko bhi wo raftagan ke bich

hum ne to sath dene ka wada nahin kiya

mahw-e-safar rahe the faqat karwan ke bich

chain-o-sukun luT ke aaram le gaya

aaega us ka zikr meri dastan ke bich

hum ne 'shagufta' dur Thikana bana liya

wo hum ko DhunDta hi raha gulsitan ke bich