zinda hua hai aaj tu marne ke baad bhi

zinda huā hai aaj tū marne ke baa'd bhī

aaya hai paas baaḌh utarne ke baa'd bhī

kin pāniyoñ kī or mujhe pyaas le chalī

niile samundaroñ meñ utarne ke baa'd bhī

nangī haqīqatoñ se paḌā vāsta hameñ

shīshoñ se 'aks 'aks guzarne ke baa'd bhī

kaalī rutoñ ke ḳhauf ne jiine nahīñ diyā

dariyā se mauj mauj ubharne ke baa'd bhī

har lamha zindagī ko nayā ruup chāhiye

ik bojh ban ga.ī hai sañvarne ke baa'd bhī

āñkhoñ meñ merī jāgtī rātoñ kā karb hai

har zaḳhm terī yaad kā bharne ke baa'd bhī

zinda hua hai aaj tu marne ke ba'd bhi

aaya hai pas baDh utarne ke ba'd bhi

kin paniyon ki or mujhe pyas le chali

nile samundaron mein utarne ke ba'd bhi

nangi haqiqaton se paDa wasta hamein

shishon se 'aks 'aks guzarne ke ba'd bhi

kali ruton ke KHauf ne jine nahin diya

dariya se mauj mauj ubharne ke ba'd bhi

har lamha zindagi ko naya rup chahiye

ek bojh ban gai hai sanwarne ke ba'd bhi

aankhon mein meri jagti raaton ka karb hai

har zaKHm teri yaad ka bharne ke ba'd bhi