zinda rahne ka taqaza nahin chhoDa jata

zinda rahne kā taqāzā nahīñ chhoḌā jaatā

ham ne tujh ko nahīñ chhoḌā nahīñ chhoḌā jaatā

ain mumkin hai tire hijr se mil jaa.e najāt

kyā kareñ yaar ye sahrā nahīñ chhoḌā jaatā

chhoḌ jaatī hai badan ruuh bhī jaate jaate

qaid se koī bhī puurā nahīñ chhoḌā jaatā

is qadar TuuT ke milne meñ hai nuqsān ki jab

khet pyāse hoñ to dariyā nahīñ chhoḌā jaatā

chhoḌnā tujh ko mirī jaañ hai bahut ba.ad kī baat

ham se to shahr bhī terā nahīñ chhoḌā jaatā

raushnī ḳhuub hai lekin mire hayyun-o-qayyūm

yaar añdhere meñ akelā nahīñ chhoḌā jaatā

zinda rahne ka taqaza nahin chhoDa jata

hum ne tujh ko nahin chhoDa nahin chhoDa jata

ain mumkin hai tere hijr se mil jae najat

kya karen yar ye sahra nahin chhoDa jata

chhoD jati hai badan ruh bhi jate jate

qaid se koi bhi pura nahin chhoDa jata

is qadar TuT ke milne mein hai nuqsan ki jab

khet pyase hon to dariya nahin chhoDa jata

chhoDna tujh ko meri jaan hai bahut baad ki baat

hum se to shahr bhi tera nahin chhoDa jata

raushni KHub hai lekin mere hayyun-o-qayyum

yar andhere mein akela nahin chhoDa jata