زندہ رہنے کی آس ہے اک شخص
مجھ کو جیون میں راس ہے اک شخص
ایک مدت سے دور ہے لیکن
پھر بھی اس دل کے پاس ہے اک شخص
ورنہ میں کب کی مر گئی ہوتی
زندگی کی اساس ہے اک شخص
اس کے بن میں تو میں نہیں رہتی
کیا مرے تن کا ماس ہے اک شخص
میرے دل کی امنگ جانتا ہے
کس قدر خود شناس ہے اک شخص
اس میں اتنا ہی میل ممکن ہے
جس قدر خوش لباس ہے اک شخص
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
