zindani zanjir ko ghurta rahta hai

zindānī zanjīr ko ghūrtā rahtā hai

kaḌiyoñ ko shahtīr ko ghūrtā rahtā hai

hotā kab hai aisā suḳhan muqaddar meñ

dil bhī hazrat-e'mīr' ko ghūrtā rahtā hai

thak jaatā hai pahle to ḳhat paḌh paḌh ke

qaidī phir tahrīr ko ghūrtā rahtā hai

aadat se majbūr thā ba.ad-az-marg bhī vo

munkir aur nakīr ko ghūrtā rahtā hai

ek shanāsā shakl kī ḳhātir barsoñ se

rasta har rāhgīr ko ghūrtā rahtā hai

lekin ham taqdīr ke aage bebas haiñ

nāḳhun har tadbīr ko ghūrtā rahtā hai

shaam savere sote jāgte barsoñ se

sub.h-o-shām zamīr ko ghūrtā rahtā hai

zindani zanjir ko ghurta rahta hai

kaDiyon ko shahtir ko ghurta rahta hai

hota kab hai aisa suKHan muqaddar mein

dil bhi hazrat-e'mir' ko ghurta rahta hai

thak jata hai pahle to KHat paDh paDh ke

qaidi phir tahrir ko ghurta rahta hai

aadat se majbur tha baad-az-marg bhi wo

munkir aur nakir ko ghurta rahta hai

ek shanasa shakl ki KHatir barson se

rasta har rahgir ko ghurta rahta hai

lekin hum taqdir ke aage bebas hain

naKHun har tadbir ko ghurta rahta hai

sham sawere sote jagte barson se

subh-o-sham zamir ko ghurta rahta hai