زندگانی کا کیا کریں صاحب
رائیگانی کا کیا کریں صاحب
آپ کے حکم کے غلام ہوئے
حکمرانی کا کیا کریں صاحب
دل کے کھنڈرات ہم کو کافی ہیں
راجدھانی کا کیا کریں صاحب
ہم مکانوں کی قید کے پنچھی
لا مکانی کا کیا کریں صاحب
ظالموں کی مہان بستی میں
شادمانی کا کیا کریں صاحب
باغ سناٹا دھول اور پت جھڑ
باغبانی کا کیا کریں صاحب
آپ آئے تو ہیں کہانی میں
اب کہانی کا کیا کریں صاحب
دل ہے زندہ مگر دھڑکتا نہیں
آنجہانی کا کیا کریں صاحب
مأخذ :
- کتاب : Pakistani Adab (Pg. 551)
- Author : Dr. Rashid Amjad
- مطبع : Pakistan Academy of Letters, Islambad, Pakistan (2009)
- اشاعت : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
