zindagani ka sara mela hai

zindagānī kā saarā mela hai

mar ga.e par faqat akelā hai

garm-bāzārī-e-fanā apnī

gāñTh meñ paisa hai na dhelā hai

ilm kī aap apnī istedād

kahīñ murshid kahīñ pe chelā hai

Duubī jaatī hai naav hastī kī

mauja-e-girya kā zor relā hai

hai junūñ aur hujūm laḌkoñ kā

merā sar hai to un kā Dhelā hai

dostī dushmanī-o-rāhat-o-ranj

jiite jī kā ye sab jhamelā hai

nāz-e-gul kā shahīd hai jo 'fanā'

qabr par gul-ruḳhoñ kā mela hai

zindagani ka sara mela hai

mar gae par faqat akela hai

garm-bazari-e-fana apni

ganTh mein paisa hai na dhela hai

ilm ki aap apni istedad

kahin murshid kahin pe chela hai

Dubi jati hai naw hasti ki

mauja-e-girya ka zor rela hai

hai junun aur hujum laDkon ka

mera sar hai to un ka Dhela hai

dosti dushmani-o-rahat-o-ranj

jite ji ka ye sab jhamela hai

naz-e-gul ka shahid hai jo 'fana'

qabr par gul-ruKHon ka mela hai