zindagi aazar thi aazar hai tere baghair
zindagī āzār thī āzār hai tere baġhair
kār-e-sahl-e-marg bhī dushvār hai tere baġhair
yuuñ qadam aa kar ruke jaise kabhī chalte na the
umr-e-fānī vaqt-e-be-raftār hai tere baġhair
kyā batā.ūñ kis tarah ab kaT rahī hai zindagī
merī har har saañs ik talvār hai tere baġhair
terā ġham thā aur tujh hī se bayāñ kartā thā maiñ
kaun sā ġham qābil-e-iz.hār hai tere baġhair
mere ġham kī talḳhiyoñ kā is se kuchh andāza kar
mujh ko mai-noshī se bhī inkār hai tere baġhair
zindagi aazar thi aazar hai tere baghair
kar-e-sahl-e-marg bhi dushwar hai tere baghair
yun qadam aa kar ruke jaise kabhi chalte na the
umr-e-fani waqt-e-be-raftar hai tere baghair
kya bataun kis tarah ab kaT rahi hai zindagi
meri har har sans ek talwar hai tere baghair
tera gham tha aur tujh hi se bayan karta tha main
kaun sa gham qabil-e-izhaar hai tere baghair
mere gham ki talKHiyon ka is se kuchh andaza kar
mujh ko mai-noshi se bhi inkar hai tere baghair
- Book : Range-e-Gazal (Pg. 202)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
