zindagi ab ke na Khaali jaegi

zindagī ab ke na ḳhālī jā.egī

jaan ab lamhoñ meñ Daalī jā.egī

ye ḳhabar to roz kā mā'mūl hai

kis kī pagḌī ab uchhālī jā.egī

chaaT jā.egī vo dīmak kī tarah

vo havas jo dil meñ paalī jā.egī

jantarī se ab bharosa uTh gayā

faal ġhazloñ se nikālī jā.egī

'ahd-e-pīrī meñ bhī dil bas meñ nahīñ

jaane kab ye lā-ubālī jā.egī

ḳhūn-e-dil ab aañkh se Tapkā mirī

aañkh se ab ye na laalī jā.egī

ab safar kā hukm sādir ho gayā

baat dil kī ab na Taalī jā.egī

us se ab 'shāhid' ta'alluq ḳhatm-shud

ab tabī'at yuuñ sañbhālī jā.egī

zindagi ab ke na KHali jaegi

jaan ab lamhon mein Dali jaegi

ye KHabar to roz ka ma'mul hai

kis ki pagDi ab uchhaali jaegi

chaT jaegi wo dimak ki tarah

wo hawas jo dil mein pali jaegi

jantari se ab bharosa uTh gaya

fal ghazlon se nikali jaegi

'ahd-e-piri mein bhi dil bas mein nahin

jaane kab ye la-ubaali jaegi

KHun-e-dil ab aankh se Tapka meri

aankh se ab ye na lali jaegi

ab safar ka hukm sadir ho gaya

baat dil ki ab na Tali jaegi

us se ab 'shahid' ta'alluq KHatm-shud

ab tabi'at yun sanbhaali jaegi