زندگی اپنی جگہ ہے بندگی اپنی جگہ

زندگی اپنی جگہ ہے بندگی اپنی جگہ

میکدے سے اس کے گھر والی گلی اپنی جگہ

چھپ کے گہرے وار کا موقع گنوانا سیکھئے

دوستو اعلیٰ نسب سے دشمنی اپنی جگہ

اس نے دل توڑا ہے لیکن دوستی توڑی نہیں

یہ ستم مشروط ہے تو دوستی اپنی جگہ

اس کے اک اک ظلم کو محسوس تو کرتے ہی ہیں

ہم زباں والوں کی صاحب خامشی اپنی جگہ

آندھیاں غم کی مسلسل چل رہیں ہیں تو چلیں

اک نئی امید کی ہے روشنی اپنی جگہ

گر نہیں بجھتے ہمارے علم کے روشن چراغ

چھوڑ ہی دیتی دلوں سے تیرگی اپنی جگہ

قاعدے مصداقؔ سب رکھتے ہوئے بالائے طاق

جانور کو دے رہا ہے آدمی اپنی جگہ