zindagi aur maut ka yun rabta rah jaega
zindagī aur maut kā yuuñ rābta rah jā.egā
maqtaloñ ko jaane vaalā rāsta rah jā.egā
ḳhushk ho jā.eñgī āñkheñ aur chhaT jā.egā abr
zaḳhm-e-dil vaise kā vaisā aur harā rah jā.egā
bujh chukī hoñgī tumhāre ghar kī saarī mish.aleñ
aur to logoñ meñ sham.eñ bāñTtā rah jā.egā
mujh se le jā.egā ik ik chiiz vo jaate hue
lekin is kā naam āñkhoñ meñ likhā rah jā.egā
phuul meñ maujūd rahne se hai ḳhushbū kā vaqār
phuul meñ ḳhushbū nahīñ hogī to kyā rah jā.egā
yādgār-e-ishq aisī chhoḌ jā.ūñgā 'sarosh'
husn hairānī se mujh ko dekhtā rah jā.egā
zindagi aur maut ka yun rabta rah jaega
maqtalon ko jaane wala rasta rah jaega
KHushk ho jaengi aankhen aur chhaT jaega abr
zaKHm-e-dil waise ka waisa aur hara rah jaega
bujh chuki hongi tumhaare ghar ki sari mishalen
aur to logon mein shamen banTta rah jaega
mujh se le jaega ek ek chiz wo jate hue
lekin is ka nam aankhon mein likha rah jaega
phul mein maujud rahne se hai KHushbu ka waqar
phul mein KHushbu nahin hogi to kya rah jaega
yaadgar-e-ishq aisi chhoD jaunga 'sarosh'
husn hairani se mujh ko dekhta rah jaega
- Book : Adab-o-Saqafat International (Pg. 95)
- Author : Shakeelsarosh
- Publication : Misal Publishers Raheem Center Press Market Ameen Pur Bazar, Faisalbad, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
