zindagi-bhar dahr ki nairangiyan dekha kiye
zindagī-bhar dahr kī nairañgiyāñ dekhā kiye
gardish-e-ayyām-o-daur-e-āsmāñ dekhā kiye
ham asīrān-e-qafas kī haa.e re majbūriyāñ
sāmne āñkhoñ ke jaltā āshiyāñ dekhā kiye
āshiyāñ bāñdhā kiye har fasl-e-gul meñ ham-safīr
aur ham apne qafas kī tīliyāñ dekhā kiye
āshiyāñ bāñdhā magar āsūdgī kā zikr kyā
kis tarah girtī haiñ us par bijliyāñ dekhā kiye
jaan bhī āḳhir maraz ke saath ruḳhsat ho ga.ī
ham tirī rah ai masīhā-e-zamāñ dekhā kiye
zindagi-bhar dahr ki nairangiyan dekha kiye
gardish-e-ayyam-o-daur-e-asman dekha kiye
hum asiran-e-qafas ki hae re majburiyan
samne aankhon ke jalta aashiyan dekha kiye
aashiyan bandha kiye har fasl-e-gul mein ham-safir
aur hum apne qafas ki tiliyan dekha kiye
aashiyan bandha magar aasudgi ka zikr kya
kis tarah girti hain us par bijliyan dekha kiye
jaan bhi aaKHir maraz ke sath ruKHsat ho gai
hum teri rah ai masiha-e-zaman dekha kiye
- Book : Kufr-o-iman (Pg. 65)
- Author : Hari chand Akhtar
- Publication : Satpaal, kucha Khakan Urdu Bazar- Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
