zindagi bhar dauDta hai baiTh ja

zindagī bhar dauḌtā hai baiTh jā

ġham kahāñ kab boltā hai baiTh jā

pahlī bārish dekh kar barsāt kī

jaane kyā tū sochtā hai baiTh jā

is qadar le kar chalā bār-e-hayāt

rāsta hī boltā hai baiTh jā

paaoñ khīñchā hai tirā ahbāb ne

kyoñ sahārā DhūñDhtā hai baiTh jā

tasht meñ lāsheñ sajī haiñ ḳhuun hai

ye siyāsī nāshta hai baiTh jā

jhuuT kī duniyā meñ sab uljhe haiñ tū

baat sachchī boltā hai baiTh jā

ik diye ne jal ke tūfāñ se kahā

mujh se Dar kar kāñptā hai baiTh jā

nanhe bachche ko tilāvat se na rok

kaan meñ ras gholtā hai baiTh jā

dekh 'as.ad' ajnabī ik shaḳhs se

rishta-e-jāñ joḌtā hai baiTh jā

zindagi bhar dauDta hai baiTh ja

gham kahan kab bolta hai baiTh ja

pahli barish dekh kar barsat ki

jaane kya tu sochta hai baiTh ja

is qadar le kar chala bar-e-hayat

rasta hi bolta hai baiTh ja

paon khincha hai tera ahbab ne

kyon sahaara DhunDhta hai baiTh ja

tasht mein lashen saji hain KHun hai

ye siyasi nashta hai baiTh ja

jhuT ki duniya mein sab uljhe hain tu

baat sachchi bolta hai baiTh ja

ek diye ne jal ke tufan se kaha

mujh se Dar kar kanpta hai baiTh ja

nanhe bachche ko tilawat se na rok

kan mein ras gholta hai baiTh ja

dekh 'asad' ajnabi ek shaKHs se

rishta-e-jaan joDta hai baiTh ja