zindagi bhar tishna-lab rahna hamein manzur tha

zindagī bhar tishna-lab rahnā hameñ manzūr thā

varna mai-ḳhāna hamāre ghar se kitnī duur thā

dūsroñ ke ghar ko baḳhshī umr-bhar ham ne ziyā

jab nazar uTThī to dekhā apnā ghar be-nūr thā

kis se ham karte ta'alluq kī anā kā tazkira

shahr-bhar meñ ḳhud-farāmoshī kā ik dastūr thā

maiñ bhī de saktā thā logoñ ke savāloñ ke javāb

maiñ buzurgoñ kī sharāfat se magar majbūr thā

vo batā.egā masāfat kī aziyyat aap ko

shahr kī sarhad pe aa kar bhī jo kosoñ duur thā

log kahte haiñ ki 'rāhī' naam thā us shaḳhs kā

vo jo ġhazloñ ke tavassul se baḌā mash.hūr thā

zindagi bhar tishna-lab rahna hamein manzur tha

warna mai-KHana hamare ghar se kitni dur tha

dusron ke ghar ko baKHshi umr-bhar hum ne ziya

jab nazar uTThi to dekha apna ghar be-nur tha

kis se hum karte ta'alluq ki ana ka tazkira

shahr-bhar mein KHud-faramoshi ka ek dastur tha

main bhi de sakta tha logon ke sawalon ke jawab

main buzurgon ki sharafat se magar majbur tha

wo bataega masafat ki aziyyat aap ko

shahr ki sarhad pe aa kar bhi jo koson dur tha

log kahte hain ki 'rahi' nam tha us shaKHs ka

wo jo ghazlon ke tawassul se baDa mashhur tha