zindagi bojhal hui aazar se

zindagī bojhal huī āzār se

jism jhuktā jā rahā hai baar se

dostoñ ne is qadar dhoke diye

aur raġhbat baḌh ga.ī aġhyār se

zindagī kā ik nayā imkāñ huā

ik darīcha khul gayā dīvār se

ab bayāñ kaise karūñ rūdād-e-ġham

kaam mushkil hai dil-e-nā-chār se

hijr kī rātoñ meñ bahtā hī rahā

ek naala chashm-e-dariyā-bār se

misl-e-majnūñ regzāroñ meñ rahe

sar paTakte ret kī dīvār se

ham asīrān-e-mohabbat haiñ yahāñ

uljhe haiñ ab gesū-e-ḳhamdār se

'qalb' terī ġhazleñ yuuñ shādāñ kareñ

dard nikle hai tire ash.ār se

zindagi bojhal hui aazar se

jism jhukta ja raha hai bar se

doston ne is qadar dhoke diye

aur raghbat baDh gai aghyar se

zindagi ka ek naya imkan hua

ek daricha khul gaya diwar se

ab bayan kaise karun rudad-e-gham

kaam mushkil hai dil-e-na-chaar se

hijr ki raaton mein bahta hi raha

ek nala chashm-e-dariya-bar se

misl-e-majnun regzaron mein rahe

sar paTakte ret ki diwar se

hum asiran-e-mohabbat hain yahan

uljhe hain ab gesu-e-KHamdar se

'qalb' teri ghazlen yun shadan karen

dard nikle hai tere ashaar se