zindagi dahr mein sad-rashk-e-iram hone tak

zindagī dahr meñ sad-rashk-e-iram hone tak

kitnī be-kaif rahī sub.h-e-alam hone tak

ahl-e-dil rāh-e-mohabbat meñ na jaane kitne

miT ga.e haiñ tirī ik chashm-e-karam hone tak

ḳhūn-e-dil hogā ravāñ chashm-e-tamannā se mirī

jāda-e-shauq meñ andāza-e-ġham hone tak

muddatoñ bahr-e-ḳhayālāt meñ Duubā hī rahā

lauh-e-dil par tirā ik naam raqam hone tak

kisī sūrat bhī sukūñ dil ko mayassar na huā

tere dar par sar-e-taslīm ke ḳham hone tak

har-nafas ālam-e-tashkīk meñ guzrā 'ahmad'

ḳhatm ye marhala-e-dair-o-haram hone tak

zindagi dahr mein sad-rashk-e-iram hone tak

kitni be-kaif rahi subh-e-alam hone tak

ahl-e-dil rah-e-mohabbat mein na jaane kitne

miT gae hain teri ek chashm-e-karam hone tak

KHun-e-dil hoga rawan chashm-e-tamanna se meri

jada-e-shauq mein andaza-e-gham hone tak

muddaton bahr-e-KHayalat mein Duba hi raha

lauh-e-dil par tera ek nam raqam hone tak

kisi surat bhi sukun dil ko mayassar na hua

tere dar par sar-e-taslim ke KHam hone tak

har-nafas aalam-e-tashkik mein guzra 'ahmad'

KHatm ye marhala-e-dair-o-haram hone tak