zindagi dard se mamur hui jati hai

zindagī dard se māmūr huī jaatī hai

sarḳhushī duur bahut duur huī jaatī hai

din ko pal bhar meñ mayassar nahīñ sukh chain mujhe

raat kī niiñd bhī kāfūr huī jaatī hai

zindagī shām-o-sahar Thokareñ khāte khāte

zahr-e-ġham piine pe majbūr huī jaatī hai

ġham-o-ālām kī zulmat hai kuchh is tarah muhīt

zindagī ik shab-e-dījūr huī jaatī hai

apne ahbāb bhī ab milte haiñ begāna-sifat

be-ruḳhī dahr kā dastūr huī jaatī hai

mujh ko duniyā ke ravayye pe ta.ajjub hai bahut

dil mirā toḌ ke maġhrūr huī jaatī hai

kis ke TuuTe hue dil kī ye sadā hai yaaro

anjuman be-ḳhūd-o-masrūr huī jaatī hai

soz-e-pinhāñ kī jhalak hai tire sheroñ meñ 'bahār'

ḳhush-navā.ī tirī mash.hūr huī jaatī hai

zindagi dard se mamur hui jati hai

sarKHushi dur bahut dur hui jati hai

din ko pal bhar mein mayassar nahin sukh chain mujhe

raat ki nind bhi kafur hui jati hai

zindagi sham-o-sahar Thokaren khate khate

zahr-e-gham pine pe majbur hui jati hai

gham-o-alam ki zulmat hai kuchh is tarah muhit

zindagi ek shab-e-dijur hui jati hai

apne ahbab bhi ab milte hain begana-sifat

be-ruKHi dahr ka dastur hui jati hai

mujh ko duniya ke rawayye pe tajjub hai bahut

dil mera toD ke maghrur hui jati hai

kis ke TuTe hue dil ki ye sada hai yaro

anjuman be-KHud-o-masrur hui jati hai

soz-e-pinhan ki jhalak hai tere sheron mein 'bahaar'

KHush-nawai teri mashhur hui jati hai