zindagi dushwar thi dushwar hai

zindagī dushvār thī dushvār hai

kitnī yaksāñ vaqt kī raftār hai

aa.ina ḳhud ā.ina-bardār hai

ye hamārā chehra-e-kirdār hai

zindagī āzār hī āzār hai

phir bhī ham ko zindagī se pyaar hai

vaqt kā ruḳh moḌ saktā hai vahī

vaqt se jo barsar-e-paikār hai

jaane kitne jhele baiThā hai azaab

ye shajar jo aaj sāya-dār hai

gulsitāñ meñ kyā nasheman kā shumār

jab ki gul hī shāḳh-e-gul par baar hai

kab talak pās-e-zabāñ-bandī 'majīd'

zindagī lab-tishna-e-guftār hai

zindagi dushwar thi dushwar hai

kitni yaksan waqt ki raftar hai

aaina KHud aaina-bardar hai

ye hamara chehra-e-kirdar hai

zindagi aazar hi aazar hai

phir bhi hum ko zindagi se pyar hai

waqt ka ruKH moD sakta hai wahi

waqt se jo barsar-e-paikar hai

jaane kitne jhele baiTha hai azab

ye shajar jo aaj saya-dar hai

gulsitan mein kya nasheman ka shumar

jab ki gul hi shaKH-e-gul par bar hai

kab talak pas-e-zaban-bandi 'majid'

zindagi lab-tishna-e-guftar hai