zindagi hai jeb-o-daman par garan apni jagah

zindagī hai jeb-o-dāman par garāñ apnī jagah

ḳhvāhisheñ letī haiñ dil meñ chuTkiyāñ apnī jagah

vaqt ke tūfāñ meñ qasr-e-sañg Dah kar rah ga.e

haiñ magar maujūd shīshe ke makāñ apnī jagah

maiñ samajhtā huuñ ki donoñ hī haiñ juzv-e-kā.enāt

jañg-o-shar apnī jagah amn-o-amāñ apnī jagah

kar diye raushan junūñ vāloñ ne azmat ke charāġh

ahl-e-aql-o-hosh kī ḳhush-fahmiyāñ apnī jagah

pā-e-aqdas mohsin-e-insāniyat kā chuum kar

ho ga.ī hai rashk-e-gardūñ kahkashāñ apnī jagah

zindagi hai jeb-o-daman par garan apni jagah

KHwahishen leti hain dil mein chuTkiyan apni jagah

waqt ke tufan mein qasr-e-sang Dah kar rah gae

hain magar maujud shishe ke makan apni jagah

main samajhta hun ki donon hi hain juzw-e-kaenat

jang-o-shar apni jagah amn-o-aman apni jagah

kar diye raushan junun walon ne azmat ke charagh

ahl-e-aql-o-hosh ki KHush-fahmiyan apni jagah

pa-e-aqdas mohsin-e-insaniyat ka chum kar

ho gai hai rashk-e-gardun kahkashan apni jagah