zindagi ho meri nazar mein ho

zindagī ho mirī nazar meñ ho

ho davāoñ meñ chashm-e-tar meñ ho

jab bhī likkhā hai tum ko likkhā hai

tum hī lafzoñ meñ ho satar meñ ho

tum hī mehvar ho har taḳhayyul kā

mīr-o-ġhālib meñ ho zafar meñ ho

tum fazāoñ meñ raqs kartī ho

kū-ba-kū phailtī ḳhabar meñ ho

ab zamāne se kyā chhupā.ūñ maiñ

tum to mahtāb ho nazar meñ ho

merī qismat bane bhī rishte qamar

koī tum sā jo mere ghar meñ ho

kuchh laboñ par hameñ bhī hai 'aslam'

jī ke utre hue bhañvar meñ ho

zindagi ho meri nazar mein ho

ho dawaon mein chashm-e-tar mein ho

jab bhi likkha hai tum ko likkha hai

tum hi lafzon mein ho satar mein ho

tum hi mehwar ho har taKHayyul ka

mir-o-ghaalib mein ho zafar mein ho

tum fazaon mein raqs karti ho

ku-ba-ku phailti KHabar mein ho

ab zamane se kya chhupaun main

tum to mahtab ho nazar mein ho

meri qismat bane bhi rishte qamar

koi tum sa jo mere ghar mein ho

kuchh labon par hamein bhi hai 'aslam'

ji ke utre hue bhanwar mein ho