زندگی جب سوال کرتی ہے
زندگی جب سوال کرتی ہے
کب کسی کا خیال کرتی ہے
چاند مسند پہ بیٹھ جاتا ہے
چاندنی عرض حال کرتی ہے
اپنے مطلب کے واسطے دنیا
کیوں مجھے استعمال کرتی ہے
زخم دیتی ہے زندگی خود ہی
اور خود اندمال کرتی ہے
دل کے پودوں کو وقت کی آندھی
کس طرح پائمال کرتی ہے
رحم کرتی ہے ہم پہ دنیا بھی
ہاں مگر خال خال کرتی ہے
زندگی کو زوال ہے لیکن
موت تو لا زوال کرتی ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
