zindagi ka dard le kar inqalab aaya to kya
zindagī kā dard le kar inqalāb aayā to kyā
ek doshīza pe ġhurbat meñ shabāb aayā to kyā
tishna-e-anvār hai ab tak urūs-e-zindagī
bādaloñ kī pālkī meñ āftāb aayā to kyā
ab to āñkhoñ par ġham-e-hastī ke parde paḌ ga.e
ab koī husn-e-mujassam be-naqāb aayā to kyā
phir vahī johd-e-musalsal phir vahī fikr-e-ma.āsh
manzil-e-jānāñ se koī kāmyāb aayā to kyā
ik tajallī se munavvar kījiye qasr-e-hayāt
har tajallī par dil-e-ḳhāna-ḳharāb aayā to kyā
baat jab hai ġham ke māroñ ko jilā de ai 'shakīl'
tū ye zinda mayyateñ miTTī meñ daab aayā to kyā
zindagi ka dard le kar inqalab aaya to kya
ek doshiza pe ghurbat mein shabab aaya to kya
tishna-e-anwar hai ab tak urus-e-zindagi
baadalon ki palki mein aaftab aaya to kya
ab to aankhon par gham-e-hasti ke parde paD gae
ab koi husn-e-mujassam be-naqab aaya to kya
phir wahi johd-e-musalsal phir wahi fikr-e-maash
manzil-e-jaanan se koi kaamyab aaya to kya
ek tajalli se munawwar kijiye qasr-e-hayat
har tajalli par dil-e-KHana-KHarab aaya to kya
baat jab hai gham ke maron ko jila de ai 'shakil'
tu ye zinda mayyaten miTTi mein dab aaya to kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
