zindagi ka lutf ab hasil nahin

zindagī kā lutf ab hāsil nahīñ

haa.e vo saaqī nahīñ mahfil nahīñ

ab vo lutf-o-sarḳhushī hāsil nahīñ

kyā karūñ majbūr huuñ vo dil nahīñ

koī pahlū bhī qarār-e-dil nahīñ

zindagī ko kuchh sukūñ hāsil nahīñ

zindagī vo zindagī kis kaam kī

jab razā-e-dost hī hāsil nahīñ

is chaman meñ inqalāb aaya to kyā

fasl-e-gul bhī sāzgār-e-dil nahīñ

allah allah ye hujūm-e-ārzū

ḳhāna-hā-e-dil meñ jā-e-til nahīñ

ibtidā-e-ishq kī manzil to hai

intihā-e-ishq kī manzil nahīñ

hai mire pesh-e-nazar us kā ma.aal

kārvāñ ab jānib-e-manzil nahīñ

dil vahī dil hai ki jis meñ dard ho

dard jis dil meñ nahīñ vo dil nahīñ

tū hī kyā hai mere dil se bad-gumāñ

mujh ko ḳhud bhī e'tibār-e-dil nahīñ

dāġh-e-dil se kaun ḳhālī hai yahāñ

māh-e-kāmil bhī 'zakī' kāmil nahīñ

zindagi ka lutf ab hasil nahin

hae wo saqi nahin mahfil nahin

ab wo lutf-o-sarKHushi hasil nahin

kya karun majbur hun wo dil nahin

koi pahlu bhi qarar-e-dil nahin

zindagi ko kuchh sukun hasil nahin

zindagi wo zindagi kis kaam ki

jab raza-e-dost hi hasil nahin

is chaman mein inqalab aaya to kya

fasl-e-gul bhi sazgar-e-dil nahin

allah allah ye hujum-e-arzu

KHana-ha-e-dil mein ja-e-til nahin

ibtida-e-ishq ki manzil to hai

intiha-e-ishq ki manzil nahin

hai mere pesh-e-nazar us ka maal

karwan ab jaanib-e-manzil nahin

dil wahi dil hai ki jis mein dard ho

dard jis dil mein nahin wo dil nahin

tu hi kya hai mere dil se bad-guman

mujh ko KHud bhi e'tibar-e-dil nahin

dagh-e-dil se kaun KHali hai yahan

mah-e-kaamil bhi 'zaki' kaamil nahin