zindagi ka maza nahin milta
zindagī kā mazā nahīñ miltā
but mile to ḳhudā nahīñ miltā
manzil-e-āḳhirī hai qabr mirī
ab koī rāsta nahīñ miltā
ḳhūgar-e-zulm ho gayā aisā
mujh ko lutf-e-vafā nahīñ miltā
nigah-e-yās se kise dekhūñ
dil-e-dard-āshnā nahīñ miltā
baat itnī na umr bhar samjhe
kyā milā aur kyā nahīñ miltā
jis ko 'jāved' us ne khoyā hai
usī dil kā patā nahīñ miltā
zindagi ka maza nahin milta
but mile to KHuda nahin milta
manzil-e-aKHiri hai qabr meri
ab koi rasta nahin milta
KHugar-e-zulm ho gaya aisa
mujh ko lutf-e-wafa nahin milta
nigah-e-yas se kise dekhun
dil-e-dard-ashna nahin milta
baat itni na umr bhar samjhe
kya mila aur kya nahin milta
jis ko 'jawed' us ne khoya hai
usi dil ka pata nahin milta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
