zindagi ka nisab be-mani

zindagī kā nisāb be-ma.anī

us ke haq meñ kitāb be-ma.anī

hāsil-e-tajrabāt ḳhāmoshī

sab savāl-o-javāb be-ma.anī

ḳhvāb TuuTā huā sitāra-e-shab

aur tābīr-e-ḳhvāb be-ma.anī

husn ke be-shumār jalve haiñ

zahmat-e-intiḳhāb be-ma.anī

vahī bande vahī chalan un kā

na.ara-e-inqilāb be-ma.anī

ik ḳhayālī bahisht kī ḳhātir

fikr-e-roz-e-hisāb be-ma.anī

fard ke ehtisāb se pahle

qaum kā ehtisāb be-ma.anī

jis ke ruḳh par hayā kā parda ho

us ke ruḳh par naqāb be-ma.anī

mauj-dar-mauj ho to baat bhī hai

qatra qatra sharāb be-ma.anī

kuchh bhī kar le zamīñ na hogā kabhī

arsh par āftāb be-ma.anī

ḳhārzāroñ meñ ghar banā ke 'kañval'

ārzū-e-gulāb be-ma.anī

zindagi ka nisab be-mani

us ke haq mein kitab be-mani

hasil-e-tajrabaat KHamoshi

sab sawal-o-jawab be-mani

KHwab TuTa hua sitara-e-shab

aur tabir-e-KHwab be-mani

husn ke be-shumar jalwe hain

zahmat-e-intiKHab be-mani

wahi bande wahi chalan un ka

nara-e-inqilab be-mani

ek KHayali bahisht ki KHatir

fikr-e-roz-e-hisab be-mani

fard ke ehtisab se pahle

qaum ka ehtisab be-mani

jis ke ruKH par haya ka parda ho

us ke ruKH par naqab be-mani

mauj-dar-mauj ho to baat bhi hai

qatra qatra sharab be-mani

kuchh bhi kar le zamin na hoga kabhi

arsh par aaftab be-mani

KHarzaron mein ghar bana ke 'kanwal'

aarzu-e-gulab be-mani