zindagi karne ke hile na bahane aae

zindagī karne ke hiile na bahāne aa.e

ham to duniyā meñ faqat ḳhaak uḌāne aa.e

yād-e-māzī meñ farāmosh kiyā fardā ko

arsa-e-ishq meñ aise bhī zamāne aa.e

dil vo bastī hai ujaḌ jaa.e to bastī hī nahīñ

kitne saada haiñ use phir se basāne aa.e

mas.ala koī nahīñ aisā jo hal ho na sake

bas isī baat pe duniyā ko manāne aa.e

vo siyāsat hai ki har raushnī tārīk huī

phir bhī ham mish.al-e-jāñ apnī jalāne aa.e

jab bhī bāzār meñ ḳhuddāriyāñ nīlām huiiñ

daam un ke bhī to ham jaise baḌhāne aa.e

ab ke kyā thā ki ḳhizāñ ne bhī to murda na kiyā

mausam-e-gul se kaho ham ko rulāne aa.e

zindagi karne ke hile na bahane aae

hum to duniya mein faqat KHak uDane aae

yaad-e-mazi mein faramosh kiya farda ko

arsa-e-ishq mein aise bhi zamane aae

dil wo basti hai ujaD jae to basti hi nahin

kitne sada hain use phir se basane aae

masala koi nahin aisa jo hal ho na sake

bas isi baat pe duniya ko manane aae

wo siyasat hai ki har raushni tarik hui

phir bhi hum mishal-e-jaan apni jalane aae

jab bhi bazar mein KHuddariyan nilam huin

dam un ke bhi to hum jaise baDhane aae

ab ke kya tha ki KHizan ne bhi to murda na kiya

mausam-e-gul se kaho hum ko rulane aae