zindagi ke is safar mein hadisa kuchh bhi nahin

zindagī ke is safar meñ hādisa kuchh bhī nahīñ

TuuT kar bikhre the kitne par huā kuchh bhī nahīñ

ho gayā nam ḳhud-baḳhud hī saada lamhoñ kā varaq

tujh ko likhnā thā bahut kuchh par likhā kuchh bhī nahīñ

kaun mujh meñ jheltā hai ḳhāmushī se karb-e-jāñ

koī andar TūTtā hai par sadā kuchh bhī nahīñ

kis qadar thā barq-pā ye uḌte lamhoñ kā safar

manziloñ kī gard thī is ke sivā kuchh bhī nahīñ

dekhte the apnā chehra aks andar aks ham

har pas-e-manzar meñ 'āsif' kyā milā kuchh bhī nahīñ

zindagi ke is safar mein hadisa kuchh bhi nahin

TuT kar bikhre the kitne par hua kuchh bhi nahin

ho gaya nam KHud-baKHud hi sada lamhon ka waraq

tujh ko likhna tha bahut kuchh par likha kuchh bhi nahin

kaun mujh mein jhelta hai KHamushi se karb-e-jaan

koi andar TuTta hai par sada kuchh bhi nahin

kis qadar tha barq-pa ye uDte lamhon ka safar

manzilon ki gard thi is ke siwa kuchh bhi nahin

dekhte the apna chehra aks andar aks hum

har pas-e-manzar mein 'asif' kya mila kuchh bhi nahin