zindagi ke mathe par aai jab shikan yaro

zindagī ke māthe par aa.ī jab shikan yaaro

sarfarosh uThte haiñ bāñdh kar kafan yaaro

shāḳh sā badan yaaro phuul sā dahan yaaro

koī mujh se pūchhe to us kā bāñkpan yaaro

sāz-e-asr-e-hāzir par naġhma-e-kuhan yaaro

hosh meñ ab aa jaao mere ham-vatan yaaro

gardish-e-zamāna bhī rāhat-e-zamāna bhī

rabt-e-sho.ala-o-shabnam dil kī anjuman yaaro

qatra-qatra ḳhūn-e-dil aañkh se Tapaktā hai

aaj nashtar-e-ġham kī baḌh ga.ī chubhan yaaro

ye jo 'dard' hai ruḳh par ashk-e-ḳhūñ kī laalī hai

bas gayā hai āñkhoñ meñ ek gul-badan yaaro

zindagi ke mathe par aai jab shikan yaro

sarfarosh uThte hain bandh kar kafan yaro

shaKH sa badan yaro phul sa dahan yaro

koi mujh se puchhe to us ka bankpan yaro

saz-e-asr-e-hazir par naghma-e-kuhan yaro

hosh mein ab aa jao mere ham-watan yaro

gardish-e-zamana bhi rahat-e-zamana bhi

rabt-e-shoala-o-shabnam dil ki anjuman yaro

qatra-qatra KHun-e-dil aankh se Tapakta hai

aaj nashtar-e-gham ki baDh gai chubhan yaro

ye jo 'dard' hai ruKH par ashk-e-KHun ki lali hai

bas gaya hai aankhon mein ek gul-badan yaro