زندگی کے ماتھے پر آئی جب شکن یارو

زندگی کے ماتھے پر آئی جب شکن یارو

سرفروش اٹھتے ہیں باندھ کر کفن یارو

شاخ سا بدن یارو پھول سا دہن یارو

کوئی مجھ سے پوچھے تو اس کا بانکپن یارو

ساز عصر حاضر پر نغمۂ کہن یارو

ہوش میں اب آ جاؤ میرے ہم وطن یارو

گردش زمانہ بھی راحت زمانہ بھی

ربط شعلہ و شبنم دل کی انجمن یارو

قطرہ قطرہ خون دل آنکھ سے ٹپکتا ہے

آج نشتر غم کی بڑھ گئی چبھن یارو

یہ جو دردؔ ہے رخ پر اشک خوں کی لالی ہے

بس گیا ہے آنکھوں میں ایک گل بدن یارو