zindagi ke sab ubharte aur Dhalte zawiye
zindagī ke sab ubharte aur Dhalte zāviye
naqsh haiñ nazroñ meñ nazroñ ke badalte zāviye
dhaḌkaneñ be-tābiyāñ pur-kaif bāñhoñ kā hisār
saañs kī hiddat se jazboñ ke pighalte zāviye
munqata.a karne lagī haiñ hosh se idrāk se
ik nazar kī vus.ateñ qauseñ machalte zāviye
rafta rafta phuul chehroñ kī chamak ko khā ga.e
jins-parvar bhūkī nazroñ ke nigalte zāviye
muddateñ tark-e-ta.alluq ko huiiñ ab bhī magar
DhūñDhtī huuñ terī jānib ko nikalte zāviye
tujh ko bhī hotā to hai tark-e-mohabbat par malāl
terī āñkhoñ meñ haiñ raqsāñ haath malte zāviye
zindagi ke sab ubharte aur Dhalte zawiye
naqsh hain nazron mein nazron ke badalte zawiye
dhaDkanen be-tabiyan pur-kaif banhon ka hisar
sans ki hiddat se jazbon ke pighalte zawiye
munqata karne lagi hain hosh se idrak se
ek nazar ki wusaten qausen machalte zawiye
rafta rafta phul chehron ki chamak ko kha gae
jins-parwar bhuki nazron ke nigalte zawiye
muddaten tark-e-talluq ko huin ab bhi magar
DhunDhti hun teri jaanib ko nikalte zawiye
tujh ko bhi hota to hai tark-e-mohabbat par malal
teri aankhon mein hain raqsan hath malte zawiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
