zindagi khel ke KHadshat mukammal kar de
zindagī khel ke ḳhadshāt mukammal kar de
jiit ko aag lagā maat mukammal kar de
mujh se mat pūchh vajah mere palaT aane kī
yuuñ vidā'ī le mukāfāt mukammal kar de
ham gunahgār haiñ fitrat ke satā.e hue log
ham pe baḳhshā.ish-e-āyāt mukammal kar de
baḳhsh de quvvat-e-parvāz taḳhayyul ko mirī
ai ḳhudāvand mirī naa't mukammal kar de
ik tavajjoh se mirī shāḳh ko sarsabz banā
yā buḌhāpe ke ye asrāt mukammal kar de
tujh ko iz.hār-e-mohabbat kī zarūrat kyā hai
ek misre’ se hī vo baat mukammal kar de
jagmagātā huā ik ḳhvāb sirhāne rakh jā
chāñd se shaḳhs mirī raat mukammal kar de
kaash schōl kā vo dost mile phir 'shāzī'
mere parche ke javābāt mukammal kar de
zindagi khel ke KHadshat mukammal kar de
jit ko aag laga mat mukammal kar de
mujh se mat puchh wajah mere palaT aane ki
yun wida'i le mukafat mukammal kar de
hum gunahgar hain fitrat ke satae hue log
hum pe baKHshaish-e-ayat mukammal kar de
baKHsh de quwwat-e-parwaz taKHayyul ko meri
ai KHudawand meri na't mukammal kar de
ek tawajjoh se meri shaKH ko sarsabz bana
ya buDhape ke ye asraat mukammal kar de
tujh ko izhaar-e-mohabbat ki zarurat kya hai
ek misre’ se hi wo baat mukammal kar de
jagmagata hua ek KHwab sirhane rakh ja
chand se shaKHs meri raat mukammal kar de
kash school ka wo dost mile phir 'shazi'
mere parche ke jawabaat mukammal kar de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
