zindagi ki bahaar le ke chale

zindagī kī bahār le ke chale

dāman-e-tār-tār le ke chale

gul-ruḳhān-e-chaman kī mahfil se

sīna-e-sad-figār le ke chale

aah ye ḳhvāb-e-ishq kī ta.abīr

ālam-e-intizār le ke chale

be-qarārī meñ umr guzrī thī

aaj dil kā qarār le ke chale

pā ga.e rāz-e-ḳhanda-e-gul ham

dīda-e-ashk-bār le ke chale

mil ga.ī dād-e-ābla-pā.ī

pursish-e-nok-e-ḳhār le ke chale

zabt-e-ġham kā 'jamāl' hai ye sila

ta.ana-e-ġham-gusār le ke chale

zindagi ki bahaar le ke chale

daman-e-tar-tar le ke chale

gul-ruKHan-e-chaman ki mahfil se

sina-e-sad-figar le ke chale

aah ye KHwab-e-ishq ki tabir

aalam-e-intizar le ke chale

be-qarari mein umr guzri thi

aaj dil ka qarar le ke chale

pa gae raaz-e-KHanda-e-gul hum

dida-e-ashk-bar le ke chale

mil gai dad-e-abla-pai

pursish-e-nok-e-KHar le ke chale

zabt-e-gham ka 'jamal' hai ye sila

tana-e-gham-gusar le ke chale