zindagi ki hai zarurat peT bharna chahiye

zindagī kī hai zarūrat peT bharnā chāhiye

peT bharne ke liye kuchh kaam karnā chāhiye

sirf ḳhvāboñ kā hasīñ honā yahāñ kaafī nahīñ

ḳhvāb puurā karne ko had se guzarnā chāhiye

'ishq meñ dil Tuut jaa.e ye to mumkin hai magar

kyā zarūrī Tuut kar sab ko bikharnā chāhiye

jo 'atā kī hai ḳhudā ne zindagī utnī rahe

kyuuñ kisī ko bhī yahāñ be-maut marnā chāhiye

ab sazā kī baat sun ke Dar rahe haiñ aap kyuuñ

aap ko zulm-o-sitam ke vaqt Darnā chāhiye

iltijā karte hue pyāsā parinda mar gayā

ab to dariyā ko hayā se Duub marnā chāhiye

zindagi ki hai zarurat peT bharna chahiye

peT bharne ke liye kuchh kaam karna chahiye

sirf KHwabon ka hasin hona yahan kafi nahin

KHwab pura karne ko had se guzarna chahiye

'ishq mein dil Tut jae ye to mumkin hai magar

kya zaruri Tut kar sab ko bikharna chahiye

jo 'ata ki hai KHuda ne zindagi utni rahe

kyun kisi ko bhi yahan be-maut marna chahiye

ab saza ki baat sun ke Dar rahe hain aap kyun

aap ko zulm-o-sitam ke waqt Darna chahiye

iltija karte hue pyasa parinda mar gaya

ab to dariya ko haya se Dub marna chahiye