zindagi ki rahaton se mawara ho jaega

zindagī kī rāhatoñ se māvarā ho jā.egā

ik libās-e-be-ḳhudī jis ko atā ho jā.egā

ahl-e-duniyā ek din vo vaqt aa.egā zarūr

ye tamanna kā jahāñ yak-dam fanā ho jā.egā

ik ta.alluq hai baqā-e-zāt kā zāmin yahāñ

phuul Tahnī se giregā to fanā ho jā.egā

TuuT jā.egā ye charḳha jism kā chalte hue

aur qaidī qaid se āḳhir rihā ho jā.egā

shab kī tārīkī se jaise phūTtī hai sub.h-e-nau

dard jab had se baḌhegā to davā ho jā.egā

gar yahī aalam rahā aqdār kī tasḳhīr kā

har burā achchhā to har achchhā burā ho jā.egā

'tāj' kah guzreñge us se jo hamāre dil meñ hai

bas ḳhafā ho jā.egā nā aur kyā ho jā.egā

zindagi ki rahaton se mawara ho jaega

ek libas-e-be-KHudi jis ko ata ho jaega

ahl-e-duniya ek din wo waqt aaega zarur

ye tamanna ka jahan yak-dam fana ho jaega

ek talluq hai baqa-e-zat ka zamin yahan

phul Tahni se girega to fana ho jaega

TuT jaega ye charKHa jism ka chalte hue

aur qaidi qaid se aaKHir riha ho jaega

shab ki tariki se jaise phuTti hai subh-e-nau

dard jab had se baDhega to dawa ho jaega

gar yahi aalam raha aqdar ki tasKHir ka

har bura achchha to har achchha bura ho jaega

'taj' kah guzrenge us se jo hamare dil mein hai

bas KHafa ho jaega na aur kya ho jaega