zindagi ki rahon mein tum ho jalwa-gar tanha

zindagī kī rāhoñ meñ tum ho jalva-gar tanhā

zulmateñ haiñ har jānib sham-e-rahguzar tanhā

sham.a kī tarah ham ne jal ke tā-sahar tanhā

ziist ke añdheroñ meñ tai kiyā safar tanhā

din guzār detā huuñ hans ke bazm-e-rindāñ meñ

zindagī pe rotā huuñ shab ko jaag kar tanhā

saath sab nibhāte haiñ raah meñ masarrat kī

tai sabhī ko karnī hai ġham kī rahguzar tanhā

kis qadar pareshāñ haiñ ahl-e-ishq duniyā meñ

mujh pe rashk karte haiñ mujh ko dekh kar tanhā

rāz-e-ishq duniyā meñ kab kisī ne samjhā hai

ek tum nahīñ 'yaktā' us se be-ḳhabar tanhā

zindagi ki rahon mein tum ho jalwa-gar tanha

zulmaten hain har jaanib sham-e-rahguzar tanha

shama ki tarah hum ne jal ke ta-sahar tanha

zist ke andheron mein tai kiya safar tanha

din guzar deta hun hans ke bazm-e-rindan mein

zindagi pe rota hun shab ko jag kar tanha

sath sab nibhate hain rah mein masarrat ki

tai sabhi ko karni hai gham ki rahguzar tanha

kis qadar pareshan hain ahl-e-ishq duniya mein

mujh pe rashk karte hain mujh ko dekh kar tanha

raaz-e-ishq duniya mein kab kisi ne samjha hai

ek tum nahin 'yakta' us se be-KHabar tanha