zindagi ki saKHt zanjiron mein jakDa dekh kar

zindagī kī saḳht zanjīroñ meñ jakḌā dekh kar

aaj tum bhī hans rahe ho mujh ko tanhā dekh kar

ab to vo bhī mujh se katrā kar guzar jaane lage

mere māhaul-e-pareshānī kā naqshā dekh kar

hausla kis meñ thā jo detā barābar kā javāb

sabr karnā hī paḌā un kā ravayya dekh kar

aaj tujh ko bhī hañsī aane lagī ai bāġhbāñ

naujavāñ phūloñ ke armānoñ ko pyāsā dekh kar

ahl-e-sāhil ro rahe haiñ qatre qatre ke liye

zarf-e-dariyā ro rahā hai zarf-e-dariyā dekh kar

merī āñkhoñ se bhī 'maikash' gir paḌe ashk-e-alam

pīr-e-mai-ḳhāna ko tanhā.ī meñ rotā dekh kar

zindagi ki saKHt zanjiron mein jakDa dekh kar

aaj tum bhi hans rahe ho mujh ko tanha dekh kar

ab to wo bhi mujh se katra kar guzar jaane lage

mere mahaul-e-pareshani ka naqsha dekh kar

hausla kis mein tha jo deta barabar ka jawab

sabr karna hi paDa un ka rawayya dekh kar

aaj tujh ko bhi hansi aane lagi ai baghban

naujawan phulon ke armanon ko pyasa dekh kar

ahl-e-sahil ro rahe hain qatre qatre ke liye

zarf-e-dariya ro raha hai zarf-e-dariya dekh kar

meri aankhon se bhi 'maikash' gir paDe ashk-e-alam

pir-e-mai-KHana ko tanhai mein rota dekh kar