zindagi kitni KHush-gawar hai aaj
zindagi kitni KHush-gawar hai aaj
Abdul Majeed Dard Bhopali
MORE BYAbdul Majeed Dard Bhopali
zindagī kitnī ḳhush-gavār hai aaj
har taraf mausam-e-bahār hai aaj
nigah-e-shauq ko qarār hai aaj
jalva-e-husn āshkār hai aaj
dil kā har zaḳhm aaj raushan hai
kitnā pur-soz intizār hai aaj
un kī tasvīr baat kartī hai
hijr kī shab bhī sāzgār hai aaj
kaifiyat dil kī pūchhte ho kyā
mahv-e-dīdār husn-e-yār hai aaj
tazkira kal kā kyā muqaddar hai
un kī bātoñ pe e.atibār hai aaj
kyā rahā lutf 'dard' jiine meñ
bekalī hai na iztirār hai aaj
zindagi kitni KHush-gawar hai aaj
har taraf mausam-e-bahaar hai aaj
nigah-e-shauq ko qarar hai aaj
jalwa-e-husn aashkar hai aaj
dil ka har zaKHm aaj raushan hai
kitna pur-soz intizar hai aaj
un ki taswir baat karti hai
hijr ki shab bhi sazgar hai aaj
kaifiyat dil ki puchhte ho kya
mahw-e-didar husn-e-yar hai aaj
tazkira kal ka kya muqaddar hai
un ki baaton pe eatibar hai aaj
kya raha lutf 'dard' jine mein
bekali hai na iztirar hai aaj
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
