zindagi ko ek bahr-e-be-karan pati hun main
zindagi ko ek bahr-e-be-karan pati hun main
Jameela Khatoon Tasneem
MORE BYJameela Khatoon Tasneem
zindagī ko ek bahr-e-be-karāñ paatī huuñ maiñ
un ke hāthoñ miT ke umr-e-jāvedāñ paatī huuñ maiñ
ḳhud-baḳhud dil ho gayā donoñ jahāñ se be-niyāz
ab zamīn-e-ishq goyā āsmāñ paatī huuñ maiñ
chhuT-phuTe se dil bujhā rahtā hai terī yaad meñ
chāñdnī rātoñ meñ ashkoñ ko ravāñ paatī huuñ maiñ
saikḌoñ sajde taḌapte haiñ jabīn-e-shauq meñ
ai haqīqat terā naqsh-e-pā kahāñ paatī huuñ maiñ
ab bhī aañsū bah nikalte haiñ kisī kī yaad meñ
andalīb-e-zār ko jab nauha-ḳhvāñ paatī huuñ maiñ
apnā ai 'tasnīm' is duniyā se ghabrātā hai dil
yaañ kī har shai ko faqat vahm-o-gumāñ paatī huuñ maiñ
zindagi ko ek bahr-e-be-karan pati hun main
un ke hathon miT ke umr-e-jawedan pati hun main
KHud-baKHud dil ho gaya donon jahan se be-niyaz
ab zamin-e-ishq goya aasman pati hun main
chhuT-phuTe se dil bujha rahta hai teri yaad mein
chandni raaton mein ashkon ko rawan pati hun main
saikDon sajde taDapte hain jabin-e-shauq mein
ai haqiqat tera naqsh-e-pa kahan pati hun main
ab bhi aansu bah nikalte hain kisi ki yaad mein
andalib-e-zar ko jab nauha-KHwan pati hun main
apna ai 'tasnim' is duniya se ghabraata hai dil
yan ki har shai ko faqat wahm-o-guman pati hun main
- Book : Pathan Shayraat ka Tazkira (Pg. 104)
- Author : Khan Mohammad Atif
- Publication : Khan Mohammad Atif (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
