zindagi ko hum wafa tak wo jafa tak le gae

zindagī ko ham vafā tak vo jafā tak le ga.e

apne apne fan ko donoñ intihā tak le ga.e

laġhzishoñ meñ kyā muāfī kī tavaqqo ho ki jab

be-gunāhī ko bhī merī vo sazā tak le ga.e

sāhiloñ par aur bhī ḳhush-zauq the lekin mujhe

pāniyoñ ke rañg har mauj-e-balā tak le ga.e

jī rahī hai ab to bastī ek sannāTe ke saath

jabr ke mausam faqīroñ kī sadā tak le ga.e

ik zabūñ-hālī to thī par tum mirī tārīḳh ko

chand hī barsoñ meñ daur-e-ibtilā tak le ga.e

āsmāñ kī dushmanī itnī bhī yak-tarfā nahīñ

ham bhī dhartī kī balāoñ ko ḳhalā tak le ga.e

ham ne ḳhud apnī duāoñ ko kiyā hai be-asar

ham jo chhoTī chhoTī bāteñ bhī ḳhudā tak le ga.e

kho chuke the vaqt kī pahchān bhī 'shahzād' ham

ajnabī lamhe magar ik āshnā tak le ga.e

zindagi ko hum wafa tak wo jafa tak le gae

apne apne fan ko donon intiha tak le gae

laghzishon mein kya muafi ki tawaqqo ho ki jab

be-gunahi ko bhi meri wo saza tak le gae

sahilon par aur bhi KHush-zauq the lekin mujhe

paniyon ke rang har mauj-e-bala tak le gae

ji rahi hai ab to basti ek sannaTe ke sath

jabr ke mausam faqiron ki sada tak le gae

ek zabun-haali to thi par tum meri tariKH ko

chand hi barson mein daur-e-ibtila tak le gae

aasman ki dushmani itni bhi yak-tarfa nahin

hum bhi dharti ki balaon ko KHala tak le gae

hum ne KHud apni duaon ko kiya hai be-asar

hum jo chhoTi chhoTi baaten bhi KHuda tak le gae

kho chuke the waqt ki pahchan bhi 'shahzad' hum

ajnabi lamhe magar ek aashna tak le gae