zindagi ko ek kahani de gaya

zindagī ko ik kahānī de gayā

ham-safar apnī nishānī de gayā

abr royā āñsuoñ se is qadar

sūkhe dariyā ko bhī paanī de gayā

rakh gayā vīrānī-e-gulshan ko paas

aur mujh ko bāġhbānī de gayā

jāgtī āñkhoñ meñ rakh kar ḳhvāb sā

zindagānī ko ravānī de gayā

būḌhā bargad pī gayā sūraj kī aag

dhuup kaisī sā.ebānī de gayā

apne bachchoñ kī sharārat se lagā

merā bachpan daur-e-sānī de gayā

ab 'zafar' bas ek mausam yaad hai

pyaar kī jo ik nishānī de gayā

zindagi ko ek kahani de gaya

ham-safar apni nishani de gaya

abr roya aansuon se is qadar

sukhe dariya ko bhi pani de gaya

rakh gaya virani-e-gulshan ko pas

aur mujh ko baghbani de gaya

jagti aankhon mein rakh kar KHwab sa

zindagani ko rawani de gaya

buDha bargad pi gaya suraj ki aag

dhup kaisi saebani de gaya

apne bachchon ki shararat se laga

mera bachpan daur-e-sani de gaya

ab 'zafar' bas ek mausam yaad hai

pyar ki jo ek nishani de gaya