zindagi ko saza samajhte ho

zindagī ko sazā samajhte ho

dard ko lā-davā samajhte ho

maiñ to samjhā thā muḳhtalif ho tum

tum bhī mujh ko burā samajhte ho

maiñ tumhārī talab karūñgā kyā

yaar tum ḳhud ko kyā samajhte ho

ek aañsū bhī bah nahīñ paayā

zabt kī intihā samajhte ho

us ke hāthoñ hī naav Dūbegī

tum jise nāḳhudā samajhte ho

maiñ shikasta bhī huuñ to shīsha huuñ

jaise ik aa.ina samajhte ho

khā rahā huuñ maiñ aarzū kā fareb

āgahī kā sila samajhte ho

zindagi ko saza samajhte ho

dard ko la-dawa samajhte ho

main to samjha tha muKHtalif ho tum

tum bhi mujh ko bura samajhte ho

main tumhaari talab karunga kya

yar tum KHud ko kya samajhte ho

ek aansu bhi bah nahin paya

zabt ki intiha samajhte ho

us ke hathon hi naw Dubegi

tum jise naKHuda samajhte ho

main shikasta bhi hun to shisha hun

jaise ek aaina samajhte ho

kha raha hun main aarzu ka fareb

aagahi ka sila samajhte ho