zindagi ko zaKHm ki lazzat se mat mahrum kar
zindagī ko zaḳhm kī lazzat se mat mahrūm kar
rāste ke pattharoñ se ḳhairiyat ma.alūm kar
TuuT kar bikhrī huī talvār ke TukḌe sameT
aur apne haar jaane kā sabab ma.alūm kar
jāgtī āñkhoñ ke ḳhvāboñ ko ġhazal kā naam de
raat bhar kī karvaToñ kā zā.iqa manzūm kar
shaam tak lauT ā.ūñgā hāthoñ kā ḳhālī-pan liye
aaj phir niklā huuñ maiñ ghar se hathelī chuum kar
mat sikhā lahje ko apnī barchhiyoñ ke paiñtare
zinda rahnā hai to lahje ko zarā ma.asūm kar
zindagi ko zaKHm ki lazzat se mat mahrum kar
raste ke pattharon se KHairiyat malum kar
TuT kar bikhri hui talwar ke TukDe sameT
aur apne haar jaane ka sabab malum kar
jagti aankhon ke KHwabon ko ghazal ka nam de
raat bhar ki karwaTon ka zaiqa manzum kar
sham tak lauT aaunga hathon ka KHali-pan liye
aaj phir nikla hun main ghar se hatheli chum kar
mat sikha lahje ko apni barchhiyon ke paintare
zinda rahna hai to lahje ko zara masum kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
