zindagi kya hai ibtila ke siwa
zindagī kyā hai ibtilā ke sivā
shikva-e-dard-e-lā-davā ke sivā
terī duniyā meñ kyā nahīñ miltā
ik dil-e-dard-āshnā ke sivā
chāra-e-dard-e-zindagī kyā hai
āh-e-jāñ-kāh-o-iltijā ke sivā
kuchh nahīñ iḳhtiyār meñ apne
bandagī ke sivā duā ke sivā
maiñ ne har baat un se kah Daalī
lekin ik harf-e-mudda.ā ke sivā
merī imdād sab ne farmā.ī
vā.iz-o-zāhid-o-ḳhudā ke sivā
kaun samjhegā in haqā.eq ko
'sho.ala'-e-riñd-e-pārsā ke sivā
zindagi kya hai ibtila ke siwa
shikwa-e-dard-e-la-dawa ke siwa
teri duniya mein kya nahin milta
ek dil-e-dard-ashna ke siwa
chaara-e-dard-e-zindagi kya hai
aah-e-jaan-kah-o-iltija ke siwa
kuchh nahin iKHtiyar mein apne
bandagi ke siwa dua ke siwa
main ne har baat un se kah Dali
lekin ek harf-e-muddaa ke siwa
meri imdad sab ne farmai
waiz-o-zahid-o-KHuda ke siwa
kaun samjhega in haqaeq ko
'shoala'-e-rind-e-parsa ke siwa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
