zindagi manzil-e-rahat mein basar kya karte

zindagī manzil-e-rāhat meñ basar kyā karte

be-hunar tajziya-e-shām-o-sahar kyā karte

rah ga.e apne hī 'ālam meñ simaT kar ai dost

dil ke luTne kī zamāne ko ḳhabar kyā karte

jin ko manzil kā yaqīñ thā na gumān-e-jāda

vo tahī-dāman-e-ehsās safar kyā karte

rah ga.e dekh ke be-rabtī-e-ahl-e-mahfil

ham ne sochā to bahut kuchh thā magar kyā karte

soz-e-dil dard-e-jigar shor-o-fuġhāñ josh-e-junūñ

in balāoñ ko bhalā ham tire sar kyā karte

dard-mandoñ ne pukārā hameñ har jānib se

ek hī samt meñ ham log safar kyā karte

tū to har daur meñ 'bismil' kī rafīq-e-jāñ thī

ai ġharīb-ul-vatanī tujh se hazar kyā karte

zindagi manzil-e-rahat mein basar kya karte

be-hunar tajziya-e-sham-o-sahar kya karte

rah gae apne hi 'alam mein simaT kar ai dost

dil ke luTne ki zamane ko KHabar kya karte

jin ko manzil ka yaqin tha na guman-e-jada

wo tahi-daman-e-ehsas safar kya karte

rah gae dekh ke be-rabti-e-ahl-e-mahfil

hum ne socha to bahut kuchh tha magar kya karte

soz-e-dil dard-e-jigar shor-o-fughan josh-e-junun

in balaon ko bhala hum tere sar kya karte

dard-mandon ne pukara hamein har jaanib se

ek hi samt mein hum log safar kya karte

tu to har daur mein 'bismil' ki rafiq-e-jaan thi

ai gharib-ul-watani tujh se hazar kya karte