zindagi maut ki panah mein hai
zindagī maut kī panāh meñ hai
ye haqīqat mirī nigāh meñ hai
zindagī ġham kā isti.āra hai
dard jīvan ke sāl-o-māh meñ hai
maut ke baad phir se jiinā hai
jaane kyā kyā dil-e-ilāh meñ hai
koī majnūñ kī aañkh se dekhe
kis qadar nuur rū-siyāh meñ hai
itnī raftār raushnī kī nahīñ
jitnī sur.at kisī kī aah meñ hai
mulk-e-kan.ān ġharq-e-zulmat hai
māh-e-kan.ān ab bhī chaah meñ hai
bin laḌe jañg hārne vaale
terā dushman tirī sipāh meñ hai
qabr-e-'naqqāsh' DhūñDne vaalo
merī miTTī ḳhudā kī raah meñ hai
zindagi maut ki panah mein hai
ye haqiqat meri nigah mein hai
zindagi gham ka istiara hai
dard jiwan ke sal-o-mah mein hai
maut ke baad phir se jina hai
jaane kya kya dil-e-ilah mein hai
koi majnun ki aankh se dekhe
kis qadar nur ru-siyah mein hai
itni raftar raushni ki nahin
jitni surat kisi ki aah mein hai
mulk-e-kanan gharq-e-zulmat hai
mah-e-kanan ab bhi chah mein hai
bin laDe jang haarne wale
tera dushman teri sipah mein hai
qabr-e-'naqqash' DhunDne walo
meri miTTi KHuda ki rah mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
