زندگی میں بس یہی اک مسئلہ ہے آج کل

زندگی میں بس یہی اک مسئلہ ہے آج کل

کوئی جینے کی دعائیں دے رہا ہے آج کل

تیرے چپ ہو جانے سے ان پنچھیوں کو کیا ہوا

پنچھیوں کا کیوں گلا بیٹھا ہوا ہے آج کل

سارے اچھے لوگ ہم کو میکدے میں مل گئے

میکدے کا اصل چہرہ دکھ رہا ہے آج کل

وقت سے میں بھی خفا ہوں ہر گھڑی یہ سوچ کر

وقت میرا مجھ سے آخر کیوں خفا ہے آج کل

خودکشی کی سوچتا ہوں اور اس کا چہرہ بھی

عین ممکن ہے کہ دونوں جا بجا ہے آج کل

بھول جائیں گے مجھے سب یہ خبر مجھ کو بھی ہے

اب کہاں مجھ سے کسی کو فائدہ ہے آج کل

عشق کے میدان میں آنے سے پہلے سوچ لو

ہر کھلاڑی تیز گیندیں پھینکتا ہے آج کل