zindagi mein bas yahi ek masala hai aaj-kal

zindagī meñ bas yahī ik mas.ala hai āj-kal

koī jiine kī duā.eñ de rahā hai aaj kal

tere chup ho jaane se in panchhiyoñ ko kyā huā

panchhiyoñ kā kyoñ galā baiThā huā hai āj-kal

saare achchhe log ham ko mai-kade meñ mil ga.e

mai-kade kā asl chehra dikh rahā hai āj-kal

vaqt se maiñ bhī ḳhafā huuñ har ghaḌī ye soch kar

vaqt merā mujh se āḳhir kyoñ ḳhafā hai āj-kal

ḳhud-kushī kī sochtā huuñ aur us kā chehra bhī

ain-mumkin hai ki donoñ jā-ba-jā hai āj-kal

bhuul jā.eñge mujhe sab ye ḳhabar mujh ko bhī hai

ab kahāñ mujh se kisī ko fā.eda hai āj-kal

ishq ke maidān meñ aane se pahle soch lo

har khilāḌī tez geñdeñ pheñktā hai āj-kal

zindagi mein bas yahi ek masala hai aaj-kal

koi jine ki duaen de raha hai aaj kal

tere chup ho jaane se in panchhiyon ko kya hua

panchhiyon ka kyon gala baiTha hua hai aaj-kal

sare achchhe log hum ko mai-kade mein mil gae

mai-kade ka asl chehra dikh raha hai aaj-kal

waqt se main bhi KHafa hun har ghaDi ye soch kar

waqt mera mujh se aaKHir kyon KHafa hai aaj-kal

KHud-kushi ki sochta hun aur us ka chehra bhi

ain-mumkin hai ki donon ja-ba-ja hai aaj-kal

bhul jaenge mujhe sab ye KHabar mujh ko bhi hai

ab kahan mujh se kisi ko faeda hai aaj-kal

ishq ke maidan mein aane se pahle soch lo

har khilaDi tez genden phenkta hai aaj-kal