زندگی میں پیار کا گر حادثہ ہوتا نہیں

زندگی میں پیار کا گر حادثہ ہوتا نہیں

تو نظر کو آنسوؤں کا آسرا ہوتا نہیں

عادتاً سب پوچھتے ہیں مجھ سے تیری خیریت

کیا کہوں عرصے سے اپنا سامنا ہوتا نہیں

کیوں بہاروں کا ہو سواگت کیوں خزاں سے بے رخی

جو بھی موسم زندگی میں ہو سدا ہوتا نہیں

دیکھ لیتے ہم ہیں صورت اپنی دل میں جھانک کر

سامنے جب بھی ہمارے آئنہ ہوتا نہیں

صبر سے ہوں بیٹھ کر باتیں کبھی فرصت میں یہ

ایک پل میں عمر بھر کا فیصلہ ہوتا نہیں